O Día Mundial da Seguridade e a Saúde no Traballo 2020 insta a responder con rapidez á pandemia de COVID-19

Deteñamos a pandemia: a seguridade e saúde no traballo pode salvar vidas, é o lema do Día Mundial da Seguridade e Saúde no Traballo 2020 que cada 28 de abril coordina a Organización Internacional do Traballo (OIT). Esta xornada da prioridade á sensibilización sobre a adopción de prácticas seguras nos lugares de traballo e o importante papel que desempeña a seguridade e saúde no traballo, para frear a expansión da actual pandemia de COVID-19.

O Día Mundial da Seguridade e a Saúde no Traballo aborda o brote de enfermidades infecciosas no traballo, centrándose na pandemia de COVID-19. O obxectivo é estimular o diálogo nacional tripartito sobre a seguridade e a saúde no traballo. A OIT utiliza este día para sensibilizar sobre a adopción de prácticas seguras nos lugares de traballo e o papel que desempeñan os servizos de seguridade e saúde no traballo (SST). Tamén se centrará no mediano e longo prazo, incluídas a recuperación e a preparación para o futuro, en particular, a integración de medidas nos sistemas e políticas de xestión da SST a nivel nacional e empresarial.

Prevención dos accidentes de traballo e das enfermidades

A medida que aumenta a presión sobre os países para que levanten paulatinamente as súas restricións en materia de confinamento, a OIT insta aos gobernos a que tomen medidas para previr e controlar o COVID-19 no lugar de traballo, mediante unha colaboración e diálogo eficaces con organizacións de empresarios e de traballadores. 

Sen esas medidas, os países corren o risco de producirse un repunte do virus. Segundo a OIT, a aplicación das medidas axeitadas contribuirá a mitigar o risco dunha segunda onda de contaxio no lugar de traballo. "A seguridade e saúde da nosa forza de traballo é primordial actualmente. Ante un brote dunha enfermidade infecciosa, a forma na que protexamos aos nosos traballadores determinará claramente o grao de seguridade das nosas comunidades e a resiliencia das nosas empresas conforme evolucione esta pandemia", indicou Guy Ryder, Director Xeral da OIT.

Riscos emerxentes no traballo

A OIT advirte que os riscos do traballo novos e emerxentes poden ser provocados pola innovación técnica ou polo cambio social ou organizativo, por exemplo: 

• Novas tecnoloxías e procesos de produción, por exemplo, a nanotecnoloxía o la biotecnoloxía.
• Novas condicións de traballo, por exemplo, maiores cargas laborais, intensificación do traballo polos recortes nos cadros de persoal, malas condicións asociadas coa migración por motivos de traballo ou traballos na economía informal.
• Novas formas de emprego, por exemplo, o emprego independente, a subcontratación ou os contratos temporais.

Este tipo de riscos poden gozar dun recoñecemento máis amplo a través dunha mellor comprensión científica, por exemplo, os efectos dos riscos ergonómicos nos trastornos do sistema osteomuscular. Ou poden verse influenciados polos cambios operados nas percepcións sobre a importancia que revisten factores como os efectos psicosociais no estrés relacionado co traballo. 

Medidas para previr e controlar o COVID-19 no lugar de traballo

Co obxectivo de garantir un retorno ao traballo de forma segura e evitar interrupcións deste no futuro, a OIT recomenda:

• Analizar os perigos e avaliar todos os riscos de contaxio en relación cos procesos de traballo, e proseguir esa avaliación despois da reincorporación ao traballo. 
• Aplicar medidas de control de riscos adaptadas a cada sector e ás características específicas do lugar de traballo de que se trate como: 
  • A diminución da interacción física entre traballadores, contratistas, clientes e visitantes, e o mantemento do distanciamento físico se se producen interaccións.
  • O aumento da ventilación no lugar de traballo.
  • A limpeza periódica de superficies, para garantir a desinfección e hixiene do lugar de traballo e o suministro de instalacións axeitadas para o lavado de mans. 
• A entrega de equipos de protección persoal aos traballadores.
• O illamento de persoas susceptibles de terse contaxiado e a análise doutras persoas coas que tivera podido estar en contacto
• Brindar apoio en materia de saúde mental ao persoal;
• Ofrecer actividades de capacitación e formación e información sobre saúde e seguridade no traballo, en particular en relación con prácticas hixiénicas axeitadas e a implantación de controis no lugar de traballo.